Wk37/Dy2(248) ~ September 4 ~Clueless

all said and done, no one can really understand or relate or feel the pain the immediate family she left behind clueless and shocked

అందరు దెగ్గర ఉండి  తలా ఒక మాట చెప్పి తలా ఒక పని చేసి ఆ  లేకుండా చేసినా కూడా, చివరికి మిగిలిన ఆ ముగ్గురికి ఈ పరిణామాన్ని తట్టుకునే శక్తి నివ్వమని ఆ పైవాడిని కోరుకోడం కంటే చెయ్యగలిగింది ఏమి లేదు.

Wk34/Dy4(228) ~ August 15 ~ Jai Bharath

Performance by Prince Troupe at Carnival

స్వాతంత్ర్య దినోవత్సవ వేడుకలు...

Wk33/Dy6(223) ~ August 10 ~ Potter

potter at work..

బుల్లి బుల్లి మట్టి ముంతలు భలేగా చేస్తున్నాడు కదా ఈ తాత.. 

Wk31/Dy1(204) ~ July 22 ~ Worn and Torn

Holes in the circus tent

వానలు విపరీతంగా పడటం బురద ఇలా చిరుగులు పడ్డ డేరాలు, ముసలావి ఐపోయి ఉన్న జంతువులూ, ఎక్కువగా రాని  జనాలు, అసలు వచ్చిన డబ్బు ఆ ఏనుగుల తిండికి సరిపోతుందా అనేంత ఘోరంగా ఉంది పరిస్తితి.. మరుగున పడిపోతున్న వాటిలో సర్కస్ కూడా ఒకటి.. ఒకందుకు అదే మంచిదేమో కూడా..

Wk30/Dy7(203) ~ July 21 ~ Circus Lives

A very elderly lady performing tricks at circus..

సర్కస్ వచ్చింది ఊరి దెగ్గరకి అంటే చిన్నప్పటి లాగ ఉంటుందేమో అనుకుని చెంగు చెంగు మంటూ పండు గాడిని తీసుకుని బయలు దేరాం నేను OA  పిల్లని తీసుకుని, విపరీతమైన వానలు, ఎవరూ రాట్లేదు అని బాగా దిగులు పడిపోయారు వాళ్ళు.. చూస్తున్నంత సేపు చిన్నప్పుడు ఏమి సరదా పడే వాళ్ళమో కాని ఏదో గుండెల్లో మెలి  తిప్పెసెంత బాధ, పొట్ట కూటి కోసం వాళ్ళు చేసే విన్యాసాలు, వారి జీవితాలు, వారి కడుపు కూటి కోసం పడే వ్యధలు  ఏంటో చాల చాల అసంతృప్తి గా అనిపించింది.

ఒక అరవై ఏళ్ల  వయసు ఉండే స్త్రీ ఈ నాటికీ అంట కష్టపడటం చూస్తె మనసు కేలికేసినట్లు ఐపోయింది.. అన్నీ ఉంది ఎప్పుడు ఈసురో మనే వాళ్ళు ఎంత మంది ఉన్నారు, నేను కూడా ఎప్పుడు ఏదో ఐపోయింది అన్నట్టే ఉంటున్నాను అని దేవుడు ఒక నిజాన్ని చూపించినట్టు అనిపించింది 

Wk29/Dy2(191) ~ July 9 ~ స - సంత ~(Sa - Santha)

village fair held every Monday

మా ఊర్లో మా చిన్నప్పుడు ప్రతి శుక్రవారము సంత జరిగేది.. అక్కడికి రైతులు ఇంట్లో పండించిన కూరలు అవి తెచ్చుకుని అమ్మేవారు, ఈ మధ్య అది జరగట్లేదు, అందరు కావలసినవి కొట్లో కొనేసుకుంటున్నారు. కాని పక్కూర్లో ప్రతి సోమవారం ఇంకా జరుగుతుంది నాకు నేను పండు గాడు అక్కడికి వెళ్లి కూరలు తెచ్చుకోవడం అంటే భలే ఇష్టం .

Wk26/Dy4(172) ~ June 20 ~ డ - డప్పు అబ్బాయి (Da - Dappu Abbaayi)

పని రోజుల్లో, ఇలా వేషాలు వేసుకుని దప్పులు వాయించుకుంటూ తిరిగి బియ్యం డబ్బులు తీసుకుని వెళ్తారు కొందరు ఊర్లలో.. అది వారి జీవనోపాధి. 


డ - డప్పు అబ్బాయి 

Wk26/Dy2(170) ~ June 18 ~ ట - టపాసులు (Ta - Tapaasulu )

Kids lighting crackers for Diwali..

దీపావళి వచ్చిందంటే టపాసుల మోత  మోగిపోతుంది ఊరు ఊరంతా... నాకు చిన్నప్పుడు బాగా ఇష్టం  ఉండేది కాని ఇప్పుడు కాల్చను, పర్యావరణం కాలుష్యం అని ఏదో ఆలోచిస్తూ... కాని టపాసుల ఆనందం అంటే బాల్యంలోనే ...

Wk24/Dy7(161) ~ June 9 ~ ఘ - ఘట్టము (Gha - Ghattamu)

A  ritual  in  traditional  telugu  hindu  marriage..

కృష్ణా జిల్లా తెలుగింటి పెళ్ళిలో జరిగే ఒక ఘట్టం బావ మరిది కాళ్ళు కడగటం, మండపం దెగ్గరకి పెళ్లి కొడుకు వెళ్ళే ముందర పెళ్లి కూతురి అన్నో తమ్ముడో ఇలా కాళ్ళు కడిగి తీసుకెళ్లడం ఆనవాయితీ, అప్పుడు బావ గారు బట్టలు పెట్టి ఏదో చదివించడం కూడా ఆనవాయితీనే..

మా ఇంట్లో ఒక జోక్ ఏంటి అంటే కాళ్ళు కడిగితే, బట్టలు బంగారం పెడితే ఒకరోజు వచ్చి బావ గారి ఒళ్ళు అంతా  తోమి తోమి కడిగి వెళ్ళాలి అని ;).

ఘ - ఘట్టము 

Wk24/Dy4(158) ~ June 6 ~ క - కల్లు ముంతలు (Ka - Kallu Muntalu)

The toddy pots...

పొద్దున్నా సాయంత్రం రోజు నాకు కనిపించే దృశ్యం ఈ కల్లు  గీత... తాడి చెట్లకి ఈ ముంతలు కట్టి మరుసటి రోజు వెళ్లి దింపి తెచ్చుకుని ఒక్కోసారి అక్కడే కల్లు  అమ్మేసి రావడం ఒక్కోసారి ఇంటి దెగ్గర అమ్ముకోవడం.  పనికి బయలు దేరే ముందు చాల మంది ఒక గ్లాసుడు కళ్ళు కొనుక్కుని తాగి వెళ్ళడం, లేదంటే సాయంత్రం అలా ఊరి చివర తాడి చెట్ల దెగ్గర బీడీ చుట్టా కాల్చుకుంటూ కబుర్లు చెప్పుకుంటూ తాగటం ఇంచు మించు ప్రతి రోజు కనిపిస్తుంది.

క - కల్లు  ముంతలు 

Wk24/Dy1(155) ~ June 3 - అం - అందెలు (Am- Andelu)

Learning Kuchipudi dance...

బుజ్జి బుజ్జి పాదాలకి పట్టీలు పెట్టుకుని ఘల్లు ఘల్లు మంటూ నడుస్తుంటే  నాకు భలే ముచ్చటేస్తుంది పండు గాడిని చూసి.. అప్పుడెప్పుడో తను ఇంట్లో కూచిపూడి నేర్చుకునేటప్పుడు గురువు గారు గజ్జే  చేసి ఈ అందెలు కట్టారు... ఇప్పుడంటే ఆయనని భరించే స్తోమత లేక బళ్ళో నేర్పించేస్తున్నాను కాని తను దిత్తోం దిత్తోం అనుకుంటూ ఇల్లంతా తిరుగుతూ గంతులేస్తుంటే.... నేను స్వర్ణకమలంలో వెంకటేష్ లాగ అందెల  రవళిది  పదములదా అనుకుంటూ మురిసిపోయే దాన్ని.

Wk23/Dy4(151) ~ May 30 ~ ఐ - ఐసబ్బాయి (Ai - Aisabbaayi)

The rural icecreams... this guy has been selling ice since my childhood...

మండుటెండల్లో పుల్లైసు తింటూ మధ్యలో తగిలే సేమియాలు,  సగ్గు బియ్యం గింజలు, సబ్జా గింజలు,  నములుతూ ఆడుకుంటూ ఉండే వాళ్ళం... కొంచెం ఎండ తిరగ గానే ఎప్పుడు  అని గ్లాసు పట్టుకుని పావలా బిళ్ళ టకటక లాడించుకుంటూ కూర్చునేవాళ్ళం.. పది పైసులు పుల్లైసు, పావలా సగ్గుబియ్యం ఐసు ఇప్పుడు అన్నీ రెండు రూపాయలే :).

Wk23/Dy2(149) ~ May 28 - ఎ - ఎడ్ల పోటీలు (A - edla poteelu)

The famous oxen races in coastal AP.

సంక్రాంతి వచ్చిందంటే ఎడ్ల  పోటీలు పెడతారు మా ఊరి దేగ్గర్లో, ఒంగోలు గిత్తల తోటి... ఒక పెద్ద బండ పెట్టి దాన్ని ఈ రెండు ఎడ్లు ఎంత దూరం ఎంత తొందరగా లాగ గలవు అనేది పందెం.

ఎ - ఎడ్ల పోటీలు 

Wk19/Dy2(128) ~ May 7 - Taataaku Paaka

These kind of thatched roof huts are becoming a rarity even in villages... palm leaves used to cover the structure made out of bamboos covered by dry grass as roofing.

ఎండా కాలం వస్తే తాడి చెట్లు మట్టలు నరికించి ఇల్లు కుట్టించుకుని, గడ్డి కప్పించుకుని చినుకులు పడక ముందే ఇల్లు బాగు చేసుకునే వారు పూర్వ కాలంలో, మా అమ్మమ్మ వాళ్ళది కూడా పూరిల్లే కాబట్టి ప్రతి ఏడు భలే సంబరంగా తిరిగే వాళ్ళం ఆకులు మోసుకుంటూ గడ్డి మోసుకుంటూ... ఈ మధ్య అన్ని ఇందిరమ్మ ఇళ్లు  వచ్చేసి  డాబాలు, రేకులు వచ్చాయి.

Wk18/Dy6(125) ~ May 4 - Malle Poola Jada

Almost every coastal andhra girl has a picture of hers with a poola jada in Summer... so the kid gets hers today :).

ఎండాకాలం వచ్చిందంటే ఊర్లో ఆడ పిల్లలు ఎంచక్కా మల్లె పూల జడలు అల్లించుకుని పట్టు లంగాలు వేసుకుని ఫోటోలు దిగేస్తారు చిన్నప్పుడు  నాకు లేదు  ఇంచు మించు అందరు ఆడపిల్లలకి ఉంటుంది మా ఊర్లో.. ఈ రోజు తనకి వేయించాను చిచ్కూ గాడు ఓపికగా రెండు గంటలు కూర్చుని వేయించుకున్నాడు.

Wk18/Dy2(121) ~ April 30 - Podarillu

a typical village household.. 2 room asbestos house, a clay stove outside the house, some place for the cattle..

అన్నీ ఉండి  ఏమి లేనట్టు బాధపడే ఎందరి కంటే మా పక్కింట్లో  వీళ్ళంటే నాకు  భలే ఇష్టం.. ఎప్పుడు నవ్వుతూ తుళ్ళుతూ  పాడుతూ   అన్నటు బ్రతికేయ్యడం

Wk18/Dy1(120) ~ April 29 - Godla saavidi

Cattle shed..

పక్కింట్లో కుడితి తొట్టి గేదల గడ్డి ఆ పక్కనే వాళ్ళ ఇల్లు... తృప్తి  ఇదేనేమో అనిపిస్తుంది.

Wk10/Dy2(65) ~ March 5 - College Fun

polytechnic final year kids performing Bhangra.. it was indeed a power-packed performance..

చిచ్కూ గాడి పవనన్న కాలేజిలో anniversary ఉంది అంటే సకుటుంబ సపరివార సమేతంగా అక్కడ వాలిపోయి, వాళ్ళ స్పీచ్లు గట్రా ఓపికగా విని డాన్స్లు చూసి వచ్చాం :).

Wk7/Dy5( 47) ~ Feb 16 - Pelli Function

The kid attended her first proper festivity in the village..

చిచ్కూ గాడికి జ్వరం వచ్చి కాస్త తగ్గినాక మొదటి సారి బయటకి తీసుకెళ్లడం, తను ఉహ తెలిసినాక చూసిన మొదటి పెళ్లి, నోము అవ్వడం తోటి వీడికి మటుకు పండగే పండగ ఐపోయింది... గంతులేసి గంతులేసి అలిసిపోయింది ఊరికే.

Wk7/Dy4(46) ~ Feb 15 - Dumpala Bandi

The sweet potato cart that comes once a year :)

ఊర్లో దుంపలు, కంద, పెండలం, చిలగడ దుంప లాంటివి ఒక బండి కట్టుకొచ్చి అమ్ముతారు.. అందరు నాలుగైదు కిలోలు కొనుక్కుని బల్ల కింద ఆరబోసుకుని అప్పుడప్పుడు వండుకుంటూ ఉంటారు.. ఈ మధ్య కాలంలో ఎక్కడా కనిపించలేదు మళ్ళీ తిరుగున్నాయి.