Day 180 ~ June 29 - Yeh Dosteee

Me and Caps, I think near Golden beach in Chennai back in 2006.. me the ducky and she the mickie.

నేను కల్పనా కలిస్తే రచ్చ రచ్చ.. ఇది అది.. ఇద్దరం పసి పిల్లల్లాగా ఏది కావాలంటే అది తినేసి, ఏది కావాలంటే అది చేసేసేవాళ్ళం.. తను వచ్చి వెళ్ళిపోయాక ఈసారి అస్సలు సరిగ్గా మాట్లాడుకోలేదు అని ఇంకా చాల బెంగగా ఉంది. అలా పొద్దున్నే లేచి నా దెగ్గర ఉన్న ఈ పాత ఫోటోని చూస్తూ ఉండిపోయా.

We graduated.. it is the terrific three now :).. Miss you loads and loads and loads in both the roles.. Caps and Peddamma :).

Day 179 ~ June 28 - Sneha bandham

Gifts from my best buddy..

ఒకప్పుడు మేము కలిస్తే ఎప్పుడో తెల్లారి నిద్రపోయేవాళ్ళం కబుర్లు చెప్పుకుంటూ, అలిసిపోయి, ఓపిక పోయి ఎప్పుడు నిద్ర పట్టిందో కూడా తెలియలేదు ఇద్దరి కీ.. కాలం తో పాటు ఎన్ని మార్పులు వచ్చినా మారని బంధం స్నేహం ఒకటే కదా, ఎంతో దూరం నించి వచ్చినా ఎక్కువ సేపు నాతో లేకపోయినా, తను వస్తే అదొక తృప్తి...జీవితపు ఒడిదొడుకుల్లో పడి పెద్దగా మాట్లడుకోపోయినా తనకి నేను ఉన్నాను నాకు తను ఉంది అని నమ్మకం చాల గట్టిది.  పెళ్లి అయిపోయి, దూరం ఐపోయి ఎన్నో స్నేహ బంధాలు విడిపోయినా తను నేను మాత్రం అలా ఉండిపోయాం.  ఇంట్లో వాళ్ళు అరిచి గీపెట్టినా గోల చేసిన అన్ని లైట్ లైట్ లైట్.. వాళ్ళ దారి వాళ్ళది మా దారి మాది.. ఇది ఫెవికాల్ బంధం.

నాకు క్రియ నేర్పించి నాతొ చేయించి నా కంటే నా గురించి ఎక్కువగా ఆలోచిస్తూ నన్ను అన్ని వేళలా అర్థం చేసుకుంటూ ఉండే తను నాకు దేవుడిచ్చిన తోబుట్టువు.

Day 178 ~ June 27 - Fendakka

Caps finally makes it to meet Sreya.. yay!!!!

చిచ్కూ గాడికి పెద్దమ్మ గిఫ్ట్లు.

పండు గాడు పొట్టలో ఉన్నప్పుడు చూసింది నా బెస్ట్ ఫ్రెండ్, మళ్ళీ మా ఇద్దరికీ ఇన్నేళ్ళకి కుదిరింది కలవడం.. అప్పుడు పొట్టలో పాప కదులుతుంటే చేతులు పెట్టి చూసుకుని మురిసిపోయింది, ఇప్పుడు తనని చూసి, ఆడుకుంటూ నన్నే మర్చిపోయింది :).. ఫెండు, ఫెండక్క, అక్క అంటూ తను పిలవడం బాగా లేదు అని పెద్దమ్మ అని తను పిలిపించుకోడం. 

Day 177 ~ June 26 - Harry Potter Ishtyle

One of kid's numerous games running around the house.

చీపిరికి చిన్న పిల్లలకి విడదీయలేని బంధం ఉంటుంది అనుకుంటా.. వాకిలి ఊడవటం పాపం పరుగో పరుగు చీపిరి లాక్కోడానికి, ఊడ్చేసి, తుడిచేయ్యటానికి.. అది కాదులే అని ప్లాస్టిక్ చీపిరి కొనిపెడితే ఇదొక కొత్త రకం ఆట. 

Day 176 ~ June 25 - Sendoff

Like all good things, bobby mama's short visit comes to end too... and we send him off with loads of love.

అదిగో, ఇదిగో అనుకునే లోపలే వారం రోజులు అలా అయిపోయాయి.  చిట్టి తల్లి ప్రపంచంలోకి మరో మనిషి అలా తొంగి చూసి వెళ్ళిపోయాడు.

Day 175 ~ June 24 - Nimma Tonalu

Childhood memories, the tiny candy that I used to suck on.. for  5 paise.. gone are those days and so is the taste but the moment I saw them, I had to have them!!

చిన్నప్పుడు ఇంట్లో డబ్బులు ఇస్తే కొట్టుకు పరుగేట్టికేల్లి కొనుక్కొచ్చే ఈ నిమ్మ తొనలు, గొట్టాలు, స్ట్రాంగ్ బిళ్ళలు, ఐదు పైసలకి గుప్పెడు వచ్చేవి, ఎంచక్కా చప్పరించుకుంటూ చేబులో దాచుకుని మళ్ళీ లెక్కపెట్టుకుంటూ గంతులేస్తూ ఊరంతా తిరిగి ఆడుకుంటూ ఆ రోజులే వేరు.. ఇప్పుడు అంట ముచ్చట పడి కొనుక్కున్నా కూడా ఆ రుచి రాదేమి?  కాలంతో పాటు మారిపోయిన నాకు ఆ జ్ఞాపకాలు మాత్రమె మధురం అని అర్థం అయ్యింది. 

Day 174 ~ June 23 - Nested

The original nest which fell down from the tree the other day that I salvaged and stored it away.. the way make it is awesome

కొంగలు కట్టుకున్న గూళ్ళని, కాకులు గుడ్ల కోసం పడేస్తా ఉంటాయ్.. అలా పడిపోయిన ఈ గూటిని భద్రం చేశాను.. ఎంత ముచ్చటగా కొబ్బరి చీపిరి ఈనాలు, పీచు, ఆకులు, తుమ్మ ముళ్ళు, సన్న కొమ్మలు అన్ని పోగేసి ఎంత కష్టపడి ఒక్కటి ముక్కుతో ఏరి, నీటిలో ముంచి, ఒక గూడు ఏర్పాటు చేసుకుంటాయో చూస్తె భలే అనిపిస్తుంది... సాయంత్రం వచ్చి చూసుకునే పాటికి గూడు లేదు, గుడ్లు లేవు అంటే అవి ఎంత బాధపడతాయో కదా.

ఒక గూడు కూలిపోతే కలిగే బాధ నాకు బాగా అనుభవం, మనుషులకైన అంతే కదా, ఒక్కో వస్తువు ప్రేమతో కొనుక్కుని, కష్టపడి, ఇష్టపడి అన్ని చేర్చుకుని, డబ్బు పోగేసి ఇల్లు కట్టుకోవాలి అని ఆశపడుతూ ఉన్నప్పుడు ఒక ఆశనిపాతం జీవితాన్ని అల్లకల్లోలం చేసేస్తే ఆ బాధ ఎంత చేసినా తీరదేమో, పగిలిన మనసు మళ్ళీ అతకదేమో. 

Day 173 ~ June 22 - Toli Telugu Aksharaalu

... and so we take the traditional first step of learning in the third year of life!!

దెగ్గర ఉన్న సరస్వతి అమ్మవారి గుడి నూజువీడు, అక్కడికి వెళ్తే చాల చాల బాగా నచ్చింది నాకు, ఎంతో ప్రశాంతంగా ఉంది, ఎక్కువ ప్రాచుర్యం పొందలేదు, ఇంకా దేవాదాయ శాఖ కన్ను పడలేదు కాబట్టి అవినీతి పర్వం మొదలవలేదు, గుడిలో ఉండాల్సిన భక్తీ వాతావరణం, పవిత్రత ఇంకా కొంచెం సేపు ఉండిపోతే బాగుండు అన్నట్టుగా ఉంది.

మూడో ఏడు అక్షరాభ్యాసం చేయిన్చేస్తే ఇంకా ఎప్పుడు అంటే అప్పుడు బళ్ళో వేసేయ్యోచ్చు అని చేయిన్చేసాను.. ఒక కొత్త అడుగు...

Day 172 ~ June 21 - Pedda Baala Siksha

A once-up-on-a-time must-have book in Telugu Homes... revived and renewed.. my day to day reference.

నాకు చాల చిన్న వయసులో ఈ పుస్తకం ఇంట్లో చూసిన గుర్తు మళ్ళీ తరవాత ఎక్కడా కనిపించలేదు, ఈ మధ్య మళ్ళీ బుక్ ఎగ్జిబిషన్ పుణ్యమా అని ఇళ్ళల్లోకి చేరిపోతున్నాయ్.  నాకు ఈ పుస్తకం చాల నచ్చింది, పండుగాడికి ఏది నేరిపించాలన్న, తెలుగు నెలలు, వారాలు, పద్యాలు పాటలు అవీ ఇవీ అని లేకుండా అన్ని ఒకే చోట ఉన్నాయ్.  బల్లి శకునాలు, పుణ్య కార్యాలు ముహూర్తాలు అది ఇది అని లేకుండా ఏది కావాలంటే అది దొరికిపోతుంది ఇందులో.. 

Day 171 ~ June 20 - Kotta Paata

The good old wood and stone slate and the magic magnetic slate... old and new trends of schooling.

చెక్క పలకలు ఈ మధ్య కాలంలో దొరకట్లేదు ఎక్కువగా, ఇనప పలకరేకుల మీద ప్లాస్టిక్ బద్దీలతో చేసేస్తున్నారు, ఎక్కడ చూసిన అవే.  పండు గాడి అక్షరాభ్యాసం కోసం తొమ్మిది పలకలు పూజ కోసం కొనాలి అంటే చాల వెతికాను కాని దొరకలేదు.. ఆఖరికి ఎక్కడో ఒకటి దొరికినా కూడా అది ఎంత బరువుగా ఉందొ.. ఏదో శాంపిల్ కోసం ఒకటి కొనుక్కుని మిగతావి ప్లాస్టిక్ పలకలే తెచ్చేశాను.

magic slate అని దొరికే పైన ఉన్న పలక మీద పండుగాడు ఎప్పుడో పిచ్చి గీతాలు గియ్యడం మొదలు పెట్టాడు, ఇది రెండోది అప్పుడే :(.. పాత దాని మీద పెన్ను పెట్టి బరికేసింది. దీని మీద కూడా స్కెచ్చి పెన్ను పెట్టి గీకింది కాని ఎలాగో తుడిచేసా కొంచెం.

Day 170 ~ June 19 - Nitya Pooja

The most common book of Lakshmi and Vishnu Sahasra Naamaalu found in people who pray regularly :) and the book I got printed in memory of ammamma.

పూజలు ఎక్కువ చేసుకునే వారి ఇళ్ళల్లో తప్పకుండా కనిపించేది ఈ పురాణపండ వారి పుస్తకం, నేమాని వారి గంటల పంచాంగం.. ఏదైనా పూజలు చేసుకున్న వాళ్ళు పంచిపెట్టేది కూడా ఇదే పుస్తకం. 

అర్చన అనే పుస్తకం, మాకు తెలిసిన ఒకాయన ప్రింటు వేయించి పెద్ద పెద్ద అక్షరాలతో తప్పులు లేకుండా, అన్ని పూజలు, పూజ విధానాలు, అయ్యప్ప భజనలు వంటి వాటితో చాల బాగుంటుంది... అమ్మమ్మకి పూజలు అంటే చాల మక్కువ, తను పోయినప్పుడు ఏడూరుకి వాళ్ళ భజన బృందానికి ఈ పుస్తకాలు అచ్చు వేయించి ఇచ్చాను తన జ్ఞాపకార్ధం.  చాల రోజుల తరవాత అది గుళ్ళో మళ్ళీ కనిపించింది.

The copy of this book I found in the local temple... love you amma.

Day 169 ~ June 18 - Sphatika Maala

Sphatik mala or semiprecious కుఅర్త్జ crystal bead rosary that I picked up a while ago.

లేదు.. నేను ఇంకా సన్యాసుల్లో కలిసిపోలేదు ఒక్కోసారి చాల బలంగా అనిపిస్తూ ఉంటుంది కాని ఇంకా మాయా మొహాలు నన్ను వదిలిపెట్టలేదు... నేను వాటిని వదిలిపెత్తట్లేదు కాబట్టి ఇంకా బోలెడంత టైం ఉంది... మనసుకి ప్రశాంతంగా ఉంటుంది, ఒంట్లో వేడిని తగ్గిస్తుంది అని అంటారు కాబట్టి ఇది తెచ్చుకున్నాను, మెడలో వేసుకుంటే పండు గాడు లాగి పారేస్తున్నాడు లేదంటే తను వేసుకుని తిరుగుతుంది మళ్లీ ఎక్కడైనా పారేస్తుంది అని ఇవ్వాలే తీసి దాచేస :). 

Day 168 ~ June 17 - Premato

A cute little gift from kid's Yaasi bhayya who specifically wanted it placed near his favorite picture of me and the kid.

ఇవ్వటంలో ఉన్న ఆనందం మరెందులోనూ ఉండదేమో అనుకునే నాకు అప్పుడప్పుడు తీసుకోవడంలో ఉన్న ఆనందాన్ని కూడా ఈ పిల్లలు రుచి చూపిస్తారు.. యాసిన్ తను పుస్తకాలు కొనే చోట ఈ బుజ్జి బొమ్మ కనిపిస్తే చిచ్కూ గాడికి గిఫ్ట్ అని తెచ్చి ఇచ్చాడు.. అక్క ఇది "సిన్ని బంగాం" కోసం నా గిఫ్ట్ అన్నప్పుడు ఆ కళ్ళలో కాంతులు, దాన్ని చూసి పండుగాడి గంతులు, ఎప్పటికి ఇలాగే ఉంటె బాగుండు అనిపించింది... ఇంతటి ప్రేమల మధ్య నించి తనని దూరం చెయ్యడం అవసరమా పెద్ద బడులలో అప్పుడే చేర్పించడం అవసరమా అని కూడా అనిపిస్తుంది.

Day 167 ~ June 16 - Chiluka Palukulu

I guess a most commonly seen toy in houses with kids.. my little parrot plays with her pet parrot who repeats whatever she says twice :).

చిచ్కూ గాడికి బాగా నచ్చిన బొమ్మల్లో ఇదొకటి, తన మాటలు తనే వింటూ, గంతులేసుకుంటూ అన్నం తినేస్తూ ఉంటుంది అప్పుడప్పుడు మాయలో పడి అందుకే ఇదంటే నాకు కూడా చాల ఇష్టం..

Day 166 ~ June 15 - Schools Begin..

.. and the new books arrive.  The govt. schools provide children with text books and give a list for the notebooks.

కొత్త సంవత్సరం మొదలు అయ్యింది, కొత్త పుస్తకాల జోరు.. నాగుకి కొన్న పుస్తకాలు కాకుండా ఇంకొన్ని కొత్త పుస్తకాలు కొనమని బళ్ళో చెప్పారు అంట... కాయితం రాసుకొచ్చి ఇచ్చింది.. అలా కొనుక్కొచ్చి, వాటికి అట్టలు వేసి, ఆ కొత్త వాసన చూస్తూ ఉంటె మళ్ళీ బళ్లోకి నేనే వెళ్ళినంత ఆనందంగా ఉంది.  ఇవి కొన్నప్పుడు ఆ పిల్ల కళ్ళలో ఆనందం ఎంత డబ్బులు పోసినా రాదేమో... తను బాగా చదువుకుని పదో తరగతి మంచి మార్కులతో పాస్ అయ్యి మంచి జీవితానికి బాట వేసుకోవాలి అని అందరు దీవిన్చేయ్యండి ప్లీజ్.

Day 165 - June 14 - Kobbari Mattalu

If you closely observe there is a man on the tree cutting off the branches and the coconuts..

వానా కాలం మొదలు అయ్యింది ఈదురు గాలులు విపరీతంగా వచ్చేస్తున్నాయ్, దూరంగా దొడ్లో కొబ్బరి చెట్లు పెట్టుకోడంలో అర్ధం ఉంది కాని ఇలా ఇంట్లో ఆనుకునేటట్లు వేసుకోడం ఏంటో  ఇంట్లో కొబ్బరి మట్టలు, పిందెలు కాయలు, గాలికి, ఎండిపోయి, ఎప్పుడు గుండు మీద పడిపోతాయో తెలియక బిక్కు బిక్కు మని ఉండాలి.  ఇల్లంతా కలతిరిగే చిచ్కూ గాడితో ఇంకొంచెం భయం ఇవుంటే... పోయినేడాది నా మానాన నేను ఏదో laptop మీద పని చేసుకుంటే ఇంట్లో పడి పైకి లేచి నా నడుం మీద గాట్టిగా తగిలింది.. కింద పడి పైకి లేచింది కాబట్టి సరిపోయింది కాని డైరెక్టుగా  పడుంటే నా పని ఖాయం అయిపోయేది... అది గుర్తొచ్చి ఈ ఏడు ఎలాగోలా కళ్ళు గీసేవాల్లని బతిమాలి బామాలి బోల్డు డబ్బులు పోసి, మట్టలు కూడా ఇచ్చేసి కొట్టిన్చేసా.. ఇప్పుడు ప్రాణానికి హాయిగా ఉంది కాకపొతే చెట్టు మీద పెట్టిన కాకి గూళ్ళు , కొంగ గూళ్ళు కూడా పడిపోయాయి.. ఊరోచ్చాక ఇలాంటి సున్నితమైనవి చాల పట్టించుకోడం మానేసాను.. కొన్ని తప్పవు, గాలికి మాటలు పడ్డా ఆ గూళ్ళు పడిపోవడమో, లేకపోతె రోజుకొకటి కాకులు గుడ్ల కోసం పడెయ్యటమో చేస్తూనే ఉన్నాయి... అక్కడికీ అందినవి కొన్ని తీసి మొవ్వలో పెట్టించాను కాని కొన్ని పడిపోయి.. గవర్నమెంటు తుమ్మ ముళ్ళు, చీపిరి పుల్లలు, ఈనాలు అన్ని కలిపి చాల కష్టపడి కట్టుకున్నాయి.. అదేనేమో జీవితం అంటే ఆ పిట్టలకి సర్వస్వం ఆ గూడు అది మనిషి అవసరాలకి బలి.

after clearing the branches, now we are safe for the next 6 months at least.  It has been a mess for a while with all the people on the road, the household help and every one complaining that they might fall on their head.

Day 164 ~ June 13 - We Rock!!

Mamma bear and baby bear :).

చిచ్కూ గాడికి ఉయ్యాల అంటే పిచ్చి ఇష్టం.. చాల కష్టపడాల్సి వచ్చింది అసలు మానిపించడానికి, అప్పుడు కొన్నబుల్లి  కేను కుర్చీ ఇది, నిదానంగా ఇందులో ఊపడం మొదలు పెట్టి పడుకోడం అలవాటు చేసాను.  నాకు కూడా అలా ఊగుతూ చదువుకోవడం అన్నా, టీవీ చూడటం, లేదంటే పాటలు వినడం అంటే  చాల ఇష్టం.  నా కుర్చీని మొయ్యలేను కాని తనది మటుకు ఎక్కడ పడితే అక్కడ వేసేసుకుని అందులో ఈ మధ్య తనే ఊగటం నేర్చేసుకుంది.. బరువు కాబట్టి మొయ్యడం నేను చేస్తున్న :).

Day 163 ~ June 12 - Goodu

A mobile home and the householders.

అన్నీ ఉన్నా ఏదో లేదు అని బాధపడుతూనే ఉండెవాళ్ళ మధ్య ఉంటూ ఇలాంటి వాళ్ళని చూస్తె మనసుకి ఒకలాంటి స్పందన.  పగటి వేషగాళ్ళు వీళ్ళు, ఇదే వీళ్ళ ఇల్లు, ఇందులోనే వంట సామాను, ఎక్కడంటే అక్కడ పెట్టేసుకుని వంట చేసుకుంటారు, ఏదోక అరుగు చూసుకుని నిద్రపోతారు, చెరువు గట్టున స్నానాలు గట్రా.   ఏమి లేనప్పుడు మనిషికుందే స్వేచ్చ అన్నీ ఉన్నప్పుడు ఉండదు కదా, ఎక్కడికైనా వెళ్ళాలంటే అమ్మో ఇల్లు ఏమైపోతుందో, ఎలాగో ఏంటో అనుకుంటూ ఉండటం కంటే మనతో పాటే మన ఇల్లు అనుకుంటే ఎంత హాయిగా ఉంటుంది.  సెలవలు అన్నాళ్ళు బడి దెగ్గర ఉండిపోయారు అంట, బళ్ళు తెరిచే సరికి కొత్త చోటికి పయనం మొదలు.

Day 162 ~ June 11 - Taapee Mestri

Some minor repairs, obviously self-help :).

ఇందుగలడందు లేడు తరహా లో అన్నిట్లో కాళ్ళు వెళ్ళు పెట్టేసే నేను ఆఖరికి ఈ తాపీ పని కూడా మొదలెట్టేసా... నాపరాయి సందుల్లో సిమెంటు ఊడిపోయి అక్కడ నించి ఏ జెర్రి పిల్లో, పురుగో బయటికోచ్చేస్తుందేమో అని, కన్నం కనిపిస్తే వెళ్ళు పెట్టి కేలికేసే పండు గాడి ధాటికి తట్టుకోలేక అవన్నీ పూడ్చడం, ఏదైనా పెచ్చులూడితే సిమెంటు పామడం లాంటి పనులు చెయ్యడం అలవాటు ఐపోయింది నాకు.. ఈ రెండు రోజులనించి కూడా అదే కార్యక్రమం.. ఎవరినైనా పిలిచి చేయిన్చోచ్చుగా కక్కుర్తి ఎందుకు అంటారా, అదొక తుత్తి అంతే.

Day 161 ~ June 10 - Painted

Wanted to pep up the corner a bit more..

సాయి తాతగారి గుర్తుగా తెచ్చుకున్న మొక్క కుందీకి రంగులేయ్యాలి అనిపించి కింద అంచు మొదలు పెట్టిన నాకు చిచ్కూ గారి సాయం కూడా దొరికింది, మొదలు పెట్టిన కాసేపటికి లేచేసింది కాబట్టి తన చెయ్యి పట్టుకుని మెల్లిగా బ్రష్ పట్టుకుని గీయిన్చా అందుకే ఆ వణుకుడు గీతలు, తుడుపులు వగైరా వగైరా...కాసేపు పట్టుకుని గీసినాక ఒక చోట కుదురుగా కూర్చోలేక తుర్రుమంది, మళ్ళీ వచ్చి  నువ్వు గియ్యి అమ్మ నేను నీ చెయ్యి పట్టుంటా, సియ పండుగాడు ఎయిస్తాడు అమ్మతోటి అని కానిచ్చింది :)... ఇది మేమిద్దరం సమిష్టిగా సృష్టించిన మొదటి కళాఖండం గా చరిత్రలోకి ఎక్కబడును :).

Day 160 ~ June 9 - Rains...

The mud road besides our house... the truckloads of sand is to raise the ground level so as not to stagnate water.

మేముండే ఇంటి పక్కన ఊరిలోపలికి వెళ్ళే సందులో వానాకాలం వచ్చిందంటే నిజంగానే ఇక్కడంతా రచ్చ రచ్చ.. రొచ్చు రొచ్చు, ప్రతి ఏడు.. ఇది పంచాయితీ రోడ్డు కాదు కాని ఊరి వారికి సౌకర్యంగా ఉంటుంది కదా అని ఈ రెండిళ్ళ సందులోంచి నడిచేస్తూ ఉంటారు.. ఈ ఇళ్ళ వాళ్ళు పంచాయితీ కి ఇవ్వనంత కాలం ఈ పాట్లు తప్పవు...

Yesss.... :)

So, the garden Buddha gets featured in Buddha Scapes in Colours Decor my favorite, most colorful and so full of life blog... yay, yay, yay!! It is thanks to Patty that I got interested in the Buddha charm and fell for it.

From the fun God, Ganesha, my first love to Zen God Buddha, the latest... they all just bring in so much of positivity in life.. so Zen!!!!

Day 159 ~ June 8 - Chitti Kaajaalu

These tiny sweets were yummy and multipurpose too, just about the right size for the kid to eat and even if she doesnt like there is not much that goes waste.. err into my tummy.

బ్రూక్స్ కి వెళ్ళినప్పుడు ఆకలి తట్టుకోలేక చెర్రీస్ కి వెళ్లాను మొన్న అప్పుడు తెచ్చుకున్నాను ఈ చిట్టి కాజాలని.. చిచ్కూ ఏదైనా తినేటప్పుడు చిన్న బొర్రి పెట్టి ఇంకా నువ్వు తినమ్మ అని బలవంతంగా కూరేస్తుంది నోట్లో, నాకేమో ఏదైనా కంటి ఎదురుగా కనిపించినా తినకుండా ఉండగలను కాని తింటే ఒకటి సరిపోదు, సరిపోయింది అమ్మా కూతురి గోల అనుకుంటున్నారా, నా భారికాయానికి వెనక రహస్యం కూడా అదే తను వదిలేసిన్ధల్లా కుమ్మేయ్యడమే  :), అందుకే ఇవేవో బాగున్నాయ్ అని తెచ్చుకున్నాకాకపొతే తనకి నచ్చలేదు అన్ని నేను పిల్లలు మింగేసాం అనేది ఇంకో విషయం :).

Day 158 ~ June 7 - Buddha Scapes

A green Zen corner....

నిన్న ఎగ్జిబిషన్ కి వెళ్లాను అనుకోకుండా ఆఖరి రోజు శనివారం అంట కాని రెండు రోజులు ఊరికే అలా గుడారాలు ఉండిపోయి మిగతా సరుకు కొంత మంది అమ్ముతూనే ఉన్నారు... నిజం ధర ఎంతో తెలియదు కాని విపరీతంగా బేరాలు, చెప్పినదాంట్లో పావు ధరకి కొనుగోలు... నేను మామయ్యా వెళ్లి పెద్ద తెలివి గల వాళ్ళలాగా సగం అడిగి ముప్పావుకి కొనుక్కుని మురిసి ముక్కలు అయిపోయాం.

అక్కడ కొన్నదే ఈ బుద్ధుని టేరాకోట బొమ్మ.. అసలు కేవలం మొహం ఉండే బొమ్మ కొనాలని వెళ్లి చాల పెద్దది గార్డెన్లో పెట్టుకోవచ్చు అని తెచ్చుకున్నా.. తీరా తెచ్చాక మమ్మీ చిచ్కూ ఇద్దరు కూడా ఎండా, వాన దుమ్ము మట్టి అని తినేశారు.. ఆఖరికి చించి చించి ఇలా తయారు చేసి డాబా మెట్ల పక్కన కుదిర్చేసా :). 

A closeup shot..

ఆ పెట్టిన స్టాండు ఒక పాత ఉల్లిపాయలు వేసుకునేది విరిగిపోతే ఇంటి ఓనరు పక్కన పారేసినది, దానికి రంగులేసి మెట్ల దెగ్గర స్తంబాలకి గాలికి, చిచ్కూ గాడి లాగుడికి పడిపోకుండా గట్టిగ వైర్లు పెట్టి కట్టేసి బీబత్సంగా బందోబస్తు చేసి చచ్చీ చెడి తయారు చేశా, ఫెంగ్ షుయి కోసం వెదురు మొక్క, నా దెగ్గర ఉన్న తామర పువ్వు ఒకటి, అడపా దడపా చిన్న జాడీల్లో పెట్టిన మొక్కలు వగైరా పెట్టి ఏదో చేసేశా... చిచ్కూ ఏమో వాన పడకుండా తన టోపీ గొడుగు ఇచ్చారు గోతం కి, ఇంతకీ గోతం తన కొత్త ఫెండు అంట.. గౌతం బుద్దా కి వచ్చిన తిప్పలు లెండి... :).. ఇద్దరం కలిపి కష్టపడి చేసుకున్నాం కాబట్టి నాకైతే యమ యమా నచ్చేసింది.

Day 157 ~ June 6 - A couple of Years Ago

A snapshot of library checkouts in 2009...books my best friends, that see me through everything!!!

ఊరికొచ్చిన కొత్తలో టీవీ చూడలేక, మనసు అస్సలేం బాగోక, ఎవరి తోనూ మాట్లాడటం ఇష్టం లేక అంటే ఇష్టం లేక కాదు ఆ మాటలు వినలేక ఏమి చెయ్యాలో అర్థం కాక, ఎక్కడికైనా పారిపోదామా అంటే, పెద్ద పొట్ట వేసుకుని వెళ్ళలేక నా పాట్లు ఇప్పుడు తలచుకుంటే భలే నవ్వొస్తుంది.  ఎలాగో అంత మొండితనం ఉన్నప్పుడు అప్పుడు మాత్రం ఎందుకు అంత బాధ పడాలి అని... కాని అంత స్థితప్రజ్ఞత వచ్చేస్తే ఇంకేమి కావాలి.

శిరీష ఐడియా ప్రకారం నేను ఇప్పటి దాక చదివిన పుస్తకాల లిస్టు తయారు చెయ్యాలి అంటే చాల వరుకు గుర్తు రాట్లేదు, తోచినవి రాసుకుని, ఇలా లైబ్రరీ లో చదివిన వాటిని మాత్రం అక్కడికెళ్ళి రాసుకోచ్చాను.  మొదట్లో నేనే వెళ్లి తెచ్చుకున్నాను, ఒకసారి కళ్ళు తిరిగి తూలు వచ్చెయ్యడం తోటి బడిలో పిల్లలు తెచ్చిపెట్టేవాళ్ళు, ఒక్కోసారి, మా అమ్మ, మిట్టు వెళ్ళేవారు.  ఈ లైబ్రరీ లేకపోతె ఇంకా ఎంత పిచ్చెక్కి పోయేదో అనిపిస్తుంది ఒక్కోసారి.

ఆ రోజలు తలచుకుంటే వణుకు కూడా వచ్చేస్తుంది, కూర్చోలేను, నుంచోలేను, నడవాలంటే పడిపోతానేమో అని భయం, తిండి సహించదు, ఏమి అర్థం కాదు, కుదురులేని ఆలోచనలు, క్షణ క్షణం భయం భయం... కాని ఒక భయంకరమైన మొండి ధైర్యం తెగువ, అదే లేకపోతె నేనంటూ లేనేమో.  

Day 156 ~ June 5 - Ameeru Taata

Ameer, the coconut vendor gets a new rickshaw...happy for you taata!!!

నేను ఈ ఊరు వచ్చేపాటికి చిచ్కూ బొజ్జలో ఉంది, అప్పుడు రోజు కొబ్బరి నీళ్ళు తాగితే మంచిది అని చెప్పారు, ఆ రోజు నించి ఇప్పటి దాక మాంచి వానల్లో తప్ప ప్రతి రోజు వచ్చి, కాయలు కొట్టిచ్చి వెళ్తాడు.  ఆ డబ్బు ఇచ్చే కదా కొంటున్నారు అందులో గోప్పెంటి అంటారా, డబ్బులిస్తే రాని ఆప్యాయతలు చిచ్కూ గాడికి అందిస్తాడు.  సైకిల్ మీద ఎక్కువ కాయలు పట్టట్లేదు ఎండలకి ఎక్కువ ట్రిప్పులు వెయ్యలేకపోతున్నాడు ఈమధ్య అందుకే ఈ కొత్త రిక్షా బండి కొన్నాడు.  పాప మంచి ఆరోగ్యానికి పొట్టలో ఉన్నప్పుడు పడ్డ కొబ్బరి నీళ్ళు అని నాకెందుకో ఒక నమ్మకం.  కాకపొతే ఇప్పుడు మటుకు ఒక గుక్కెడు కూడా తాగదు... రోజు రకరకాలుగా కృషి చేస్తున్నా, చేస్తూనే ఉంటా కూడా... కొబ్బ జూసా అంటే చాలు ఆమడ దూరం పరుగో పరుగు :(.

నాకు మాత్రం రెండు పూటలా గుర్తు చేసి మరీ తాగిస్తుంది... బొజ్జలోంచి ఉన్న బంధం కాబట్టి కాబోలు రాగానే రోజు "కొబ్బ తాత ఖాన ఖాయే, పానీ హోనా?  అని నోరార పలకరిస్తుంది.

This same guy has been supplying me with tender coconut water for the past 3 yrs, every single day unless it rains really bad.

Day 155 ~ June 4 - Andela Ravali

Traditional beginning of classical dance learning...

ఇది చాలా తొందరపడి చేసిన పని అని అందరు అనుకున్నా కూడా పిచ్చి గంతులు వేస్తూ తిరగడం కంటే గురువు దెగ్గర నేర్చుకున్న విద్యకే విలువ అని నా గట్టి నమ్మకం, తనకి ఏమి అర్థం కాదు, నేర్చుకోలేదు, మాటలే సరిగ్గా రావు.. అన్ని నిజమే కాని, ఎప్పటికప్పుడు చూస్తూ ఉంటె కూడా ఎంతో కొంత మనసుకు హత్తుకుంటుంది అని నా గట్టి నమ్మకం... తనకి ఇష్టం, చూసి చేస్తుంది, కాళ్ళు చేతులు ఆడిస్తుంది, సాంప్రదాయికంగా చేస్తే ఇంకా బాగుంటుంది అని ఒక తపన మాత్రమె.

ఒకప్పుడు కళలు అంటే ముక్తి మార్గం అనుకునే వాళ్ళేమో కాని ఇప్పుడు మాత్రం అదొక భుక్తికి బ్రహ్మాండమైన మార్గం అనుకునే వాళ్ళే ఎక్కువ అయిపోయారు... నేర్చుకోవాలి అని తపన ఒకటే సరిపోదు, ఎంతో డబ్బు కూడా ఉండాలి అని తెలుసుకుని చాల బాధగా కూడా అన్పిస్తుంది.  కూచిపూడి అంటే నాట్యానికి మాత్రమె పుట్టినిల్లు కాదు, గుడి బయటే అక్రమ వ్యాపారాలు సాగుతున్నట్టు, కళ పేరుతోటే నిలువు దోపిడీ అక్కడే జరుగుతుంది... అందరూ అని అనను కాని ఎక్కువ శాతం అదే కోవకు చెందిన వారు... ఒక మంచి గురువుని వెతికి పట్టుకోవాలి అంటే చావు తప్పి కన్ను లొట్ట పోతుంది అని నా స్వానుభవం.

Some people think it is too early to start for the kid, she is just 2 yrs. old, 25 months to be precise, but still I prefer a discipline that comes through practice and what best way to learn from a guru when we happen to stay such close to Kuchipudi... Dancing is a costly affair, very very costly... sigh!!!

Day 154 ~ June 3 - Kotta Kodali Saare

The neighbor's new daughter-in-law came home for the first time and we get these goodies.. :)..a gang of ladies go to each doorstep and the householder has to bring her own plate to get it filled with the goodies.

మాకు పాలు పోసే వాళ్ళ చుట్టాల ఇంటికి కొత్త కోడలు మొదటి సారి సారె  తెచ్చింది అంట :).. ఇది మొదటి సారి నేను తీసుకోవడం.. ఒక గుంపులో ఆడావాళ్ళు అందంగా తయారు అయ్యి, డబ్బాలు, పళ్ళాలు, బుట్టలు, అరటి పళ్ళు, తమలపాకులు, వక్కపొడి, పసుపు కుంకుమ సున్ని పిండి పోసుకుని వచ్చి మనం మన ఇంట్లోంచి తెచ్చుకున్న పళ్ళెంలో పెట్టి కొత్త పెళ్ళికూతురి విశేషాలు చెప్పి వెళ్తారు.  ఈ పద్ధతి నాకు భలే నచ్చింది... తమ ఇంటికి కొత్త కోడలు పిల్ల వచ్చింది అని మన నోరు తీపి చేసి వెళ్తారు అన్నమాట.

ఇప్పుడు మా ఇళ్ళల్లో పెళ్లి జరిగింది అంటే అన్ని కలిపి ఒక మంచి ఖరీదైన బహుమతి తో పాటు పెళ్లిలోనో, engagement లోనో, వ్రతం అప్పుడో చేతిలో పెట్టేస్తున్నారు.. ఆ బహుమతులు చూస్తె మతి పోతుంది ఒక్కోసారి.. మొన్నామధ్య ఒకావిడ అందరికి పట్టు చీరలు పెట్టింది, వెండి గిన్నెలు, ప్రమిదలు, దేవుడి విగ్రహాలు, నగలు,... నాకు ఇంచు మించు గుండె ఆగినంత పని అయ్యింది.. నా పెళ్ళికి నాకోసం మా ఇంట్లో వాళ్ళు కూడా కొనలేదు ఆవిడ పంచిపెట్టినంత... పెళ్లి అంటే ఆర్భాటం, ఆళ్ళు పెట్టారు అంతకంటే ఎక్కువ పెట్టాలి...దుబార, బడాయి.. ఆకలిగా ఉన్న వాడికి అన్నం పెట్టారు కాని తింటే అరిగించుకోలేని వాడికి పంచభక్ష్యాలు... 

PS:  The betel leaves were snatched away by the kid before I could take the snap, so they are missing.. loved the simplicity and it was refreshing.

Day 153 ~ June 2 - Mallepoolu

Just about the final blooms for the season...

వానలు పడుతున్నాయి, ఇంకా అసలు చల్లబడలేదు కాని మూగ ఎండలు వేస్తున్నాయి... విరగబూసిన మల్లె చెట్లు మెల్లిగా పూత తగ్గించేసాయ్. ఇప్పుడింక ఒకటో రెండో వస్తాయి... ఈ ఏటికి ఇదే ఆఖరు...!!!

Day 152 ~ June 1 - Eeta pallu

the ripe fruits... this is for you Renu.

గడ్డిలో మగ్గిన ఈత పళ్ళు... చిన్ననాటి రుచి లేదు కాని ఆ జ్ఞాపకాలతో తింటే చాల బాగుంది.